ADC BIOSCH Award pa kandidatonan di eksámen ku a destaká den Biologia i Kímika

VREDENBERG – Analytisch Diagnostisch Centrum (ADC N.V.) pa di 6 aña konsekutivo ta bai duna rekonosementu na kandidatonan den klas di eksámen di VSBO, HAVO i VWO ku a destaká den e materianan Biologia i Kímika.

ADC a kuminsá ku e inisiativa aki na 2019 pa promové atenshon i interes pa e dos materianan sientífiko akí ku ta base pa estudio – i kareranan den e mundu di laboratorio.

Pa medio di e ADC BIOSCH Award nos laboratorio nashonal ta duna rekonosementu na alumnonan ku a sobresalí i stimulá talento lokal riba tereno di Biologia i Kímika.

Skolnan sekundario a risibí ya kaba un e-mail pa nominá nan alumnonan ku sifra final di mas haltu pa Biologia i Kímika. ADC ta pidi skolnan pa hasi esaki promé ku 19 di yüni próksimo.

Den e promé siman di yüli lo hasi entrega di e ADC BIOSCH award. Pa mas informashon por manda e-mail na dwinklaar@adcnv.com.