Akreditashon

Akreditashon

Laboratorio ADC (Analytisch Diagnostisch Centrum N.V.) ta profilá su mes komo un empresa dunadó di servisio, ku ta karakterisá su mes pa kalidat, konfiabilidat i bon servisio na kliente.

E sistema di kalidat na ADC ta sirbi un meta komun: sigui traha kontinuamente pa kalidat i servisio na nivel haltu. Pa keda kumpli ku esaki, ADC ta revisá su stapnan ku ta krítiko pa kalidat, periódikamente. E mènedjer di kalidat ta vigilá e stapnan akí mientras ku e revishonnan interno i eksterno ta verifiká e operashonalidat di forma imparsial.

E forma di garantisá kalidat akí ta sòru pa eksternamente e klientenan por konfia ku e organisashon ta kumpli ku normanan internashonal i ku internamente e maneho i e kolaboradónan por konfia ku e kalidat di e produkto- i servisionan ta kumpli ku eksigensianan relevante.

E nesesidat pa siguransa riba e kalidat di produkto i servisio duná, ta sigui krese fuertemente tantu riba nivel nashonal komo riba nivel internashonal.

ADC su laboratorionan di awa ta sigui e eksigensianan general pa e kompetensia di laboratorionan di prueba i di kalibrashon, NEN-EN-ISO/IEC 17025:2005. E laboratorionan médiko ta sigui e norma pa: Laboratorionan Médiko-Eksigensianan Ekstraordinario pa kalidat i kompetensia, NEN-EN-ISO 15189:2012.
E laboratorionan di awa ta akreditá dor di e Raad voor Accreditatie (RvA) for di 25 di mart 2009 pa NEN-EN-ISO/IEC 17025:2005 ku e number di registrashon L493, pa e akshonnan deskribí den e scope: https://www.rva.nl. E laboratorionan Médiko ta akreditá dor di RvA for di yüni 2016 pa NEN-EN-ISO 15189:2012 ku e number di registrashon M297, pa e akshonnan deskribí den e scope: https://www.rva.nl

ADC ta esforsá su mes pa mantené e akreditashon optené. Ta traha anualmente na ekspanshon di e análisisnan ku tinku akreditá, pa salbaguardiá e kalidat di e resultadonan di análisis tantu den e NEN-EN-ISO/IEC 17025:2005 komo den e NEN-EN-ISO 15189:2012.

RvA ta un instituto hulandes ku ta evaluá si empresa- i institutonan ta kumpli ku e norma deskribí den e eksigensianan di kalidat i ta miembro di e European co-operation for Accreditation (EA). Esaki ta nifiká ku e institutonan ku RvA akreditá, ta haña rekonosementu mundial.

Den futuro ADC mester sigui mustra kon su trabounan ta organisá i kiko e ta hasi pa mantené e kalidat di su trabounan na nivel. ADC lo sigui optimalisá su servisio riba un tereno mas amplio, a base di e stapnan krítiko pa kalidat ku a introdusí.

Rectangle