Diagnósis Molekular
Riba e tereno di análisis di Diagnóstiko Molekular (MD) ta konsentrá riba resultadonan di laboratorio konfiabel i lihé. Pa motibu di karakterístikanan spesífiko i tambe e sensibilidat di DNA i tambe RNA e departamentu Diagnóstiko Molekular ta sòru pa kalidat i liheresa di su tèstnan, ku kuido di e pashènt semper na promé lugá.
Desaroyonan den e ekspertisio aki ta sigui otro riba un spit hopi altu – un tendensia ku nos speshalistanan ta sigui ku wowo di falki.
E laboratorionan Médiko ta akreditá dor di RvA for di yüni 2016 pa EN-ISO 15189 bou di e aktividat ‘TESTEN’ ku e number di registrashon M297.
Pa un lista di e tèstnan akreditá por akudí na e scope di akreditashon di ADC NV riba https://www.rva.nl.
E departamentu Diagnóstiko Molekular ta ofresé servisio na e nivel di kalidat di mas altu i tambe entrega di resultadonan di tèst lihé
- detekshon lihé di mikro-organismonan ku por kousa infekshon
- opservashon di malesanan króniko di infekshon
- determinashon di enfermedatnan genétiko
E departamentu ta traha huntu ku dòkternan di kas i speshalistanan médiko pa resultadonan konfiabel i lihé. Semper e enfoke ta keda riba duna un bon servisio na e médikonan i e pashèntnan.
Funshon Sentralisá
E departamentu Diagnóstiko Molekular di ADC ta konta ku ekiponan di último modelo i kontinuamente ta implementá téknika i prosedimentunan mas resien.
Tambe e departamentu ta fungi komo episentro pa e otro departamentunan analítiko di ADC. Ta’sina ku e departamentu ta ofresé servisio na e departamentunan: Kímika Klíniko i Hematologia (KCH), Mikrobiologia Médiko (MMB), e Laboratorio di Awa Mikrobiológiko i resientemente tambe na Patologia.
Kaminda malesanan ta ser deskubrí
E departamentu ta krea pa ofresé servisionan diagnóstiko pa un gran kantidat di malesanan di infekshon. Di malesanan venériko manera chlamydia, gonorrhea, hèrpes i HIV te ku kousantenan di entre otro gastrítis-entritis.
Pa e mihó diagnóstiko e departamentu Diagnóstiko Molekular di ADC ta ofresé tambe diferente paketenan kompakto i tambe amplio, pa un investigashon kompleto di meningítis viral, patógeno respiratorio i tambe gastrítis-entritis.
E departamentu ta ofresé diagóstiko tambe pa vírùs manera Dengue, Chikungunya i Zika.
Aparte di e servisio ariba menshoná, e departamentu ta ofresé e posibilidat pa diagnostiká infekshonnan hospitalario i tambe pa opservá enfermedatnan di infekshon manera Hepatitis B i C. Ademas tin tèstnan panelnan disponibel pa detekshon i kuantifikashon di diferente infekshonnan viral manera HIV, e vírùs Epstein Barr, BK i CMV.
