E laboratorio di awa di ADC
Nos mester por hasi uso di nos awa ku un kurason trankil, ku garantia ku e ta di kalidat haltu. Riba petishon di Gobièrnu di Kòrsou, ADC ta hasi análisis i kontrol diario den dos laboratorio di awa: un laboratorio físika-kímiko di e departamentu Toksikologia i Análisis di Remedi i tambe un laboratorio di awa mikrobiológiko di e departamentu Mikrobiologia (Médiko).
E laboratorionan di awa ta akreditá dor di e Raad voor Accreditatie (RvA) for di 25 di mart 2009 pa EN-ISO/IEC 17025 bou di e aktividat ‘TESTEN’ ku e number di registrashon L493.
Pa un lista di e tèstnan akreditá por akudí na e scope di akreditashon di ADC NV riba https://www.rva.nl.
Tantu e laboratorio kímiko di awa i esun mikrobiológiko di ADC ta analisá tambe:
- awa di pisina
- awa di laman
- awa di pos
- awa di bebe
E laboratorio kímiko di awa
E parti físika-kímiko di e tèstnan ta enfoká riba awa friu, awa sushi i awa prosesá. A base di e tipo di awa ku mester analisá, por agregá algun análisis adishonal. Esaki ta tuma lugá den konsulta. Ku plaser ADC ta duna servisio na bienestar di e seguridat di nos awa.
Otro tèstnan ku e laboratorio di awa físika-kímiko por ehekutá:
Físika:
pH
geleidbaarheid
TDS
alkalíno
grado di trubel
kolo
sulfaat fluoride
orthofosfaat
kloro
kloro liber
Metal
koper
zink
kalsio i magnesio (nivel di duresa)
Tuma kontakto pa tèst bo awa
Klek AKI pa tuma kontakto pa pregunta, konseho òf si bo ta deseá di traha un sita pa tèst bo awa.
A base di e tipo di awa ku mester analisá, por agregá algun análisis adishonal. Esaki ta tuma lugá a base di konsulta. Nos ta yuda’bo haña kontesta riba tur pregunta ku bo por tin tokante siguridat di nos awa. Kiko eksaktamente mester investigá, nos lo definí huntu.
E laboratorio spesialisá di awa di ADC ta pará kla pa duna konseho diariamente. Tambe tin algun bòter spesial disponibel pa transportá e awa ku bo ta deseá pa nos investigá.
