ADC ta yega te kaminda abo ta
Eksperensiá e fasilidat di laga prek sanger na kas ku e servisio di prek di ADC. Si un dòkter di kas òf spesialista hasi e petishon, ADC por bini na kas pa prek sanger.
Pa traha sita pa prek na kas App nos na +5999 527 5232 of yama 434 5100.
Importante
Tene na kuenta si ku pa algun tèst bo mester ta stoma bashí: esaki ta nifiká ku e anochi promé for di 10’or di anochi bo no por kome ni bebe nada mas – únikamente un tiki awa.
Si nos ta duna’bo e servisio na kas òf na un di nos prekpòstnan, semper nos mester di e siguiente dokumentonan:
- Un formulario di petishon
Riba e formulario aki e dòkter di kas, speshalista òf partera ta marka e tèstnan ku bo mester hasi.
Bo nòmber, fecha di nasementu i tambe un stèmpel ku firma di e dòkter di kas, speshalista òf partera ku ta hasi e petishon mester ta yená. Pa bo fasilidat, ADC ta traha ku formularionan di petishon di tur otro laboratorio! - Identifikashon bálido.
Esaki por ta un sédula, reibeweis òf pasport. - Un komprobante di seguro bálido.
ADC ta traha ku tur kompania di seguro lokal i internashonal.
