Kímika Klíniko i Hematologia (KCH)

Pa ehekutá análisis riba entre otro, kímika klíniko, inmunologia i hematologia.

E departamentu Kímika Klíniko i Hematologia (KCH) di ADC ta hasi análisis di sanger i otro líkidonan korporal. E análisis aki ta konsentrá riba:

konstatá òf ekskluí un enfermedat
sigui e desaroyo di un enfermedat i tambe efekto di tratamentu
evitá sierto enfermedatnan

Aki ta trata entre otro di análisis kímika-klíniko, inmunologia i hematologia ku por lo general ta petishonnan di dòkternan di kas i speshalistanan.

E departamentu KCH ta ekipá ku ekipo i sistemanan segun e teknologia mas moderno.
E tim sólido di KCH ta konsistí di kímikonan-klíniko i analistanan profeshonal i kapasitá.
E laboratorionan Médiko ta akreditá dor di RvA for di yüni 2016 pa EN-ISO 15189 bou di e aktividat ‘TESTEN’ ku e number di registrashon M297.Pa un lista di e tèstnan akreditá por akudí na e scope di akreditashon di ADC NV riba https://www.rva.nl.

Kímika Klíniko General

Den kaso di tèstnan di kímika-klíniko general ta trata e midimentu di konsentrashon di algun komponente den líkidonan korporal. E departamentu di KCH por midi mas ku 100 komponente den diferente líkido korporal. Esaki no ta limitá na solamente tèst di sanger, pero ta trata tambe tèst di orina i otro líkidonan korporal.

Hematologia

Tèstnan hematológiko di laboratorio ta forma un parti importante di e análisisnan diario ku KCH ta ehekutá. Hematologia konosé diferente aspekto. Midi konsentrashon di sélulanan blanku i kòrá i karchinan di sanger i tambe análisis di algun karakterístika di sélulanan ta ser hasi pa por diagnostiká enfermedatnan di sanger manera leukemia i diferente forma di defisiensia di sanger. Tambe hematologia ta kontrolá efektividat di tratamentu di e enfermedatnan aki.

Sanger ta koha

Algun ehèmpel di esaki ta konstatá posibel defisiensia den e sanger ku a koha i tambe kontrolá pashèntnan di kual e rapides ku e sanger ta koha mester keda mantené abou artifisialmente. Ta importante pa keda opservá e forma di tratamentu aki di un forma strukturá i detayá pa, si mester, por hasi kambio den suministro di remedi òf kuminda na tempu. Via di un tèst spesial, PT/INR-test, ta kontrolá e sanger. A base di esaki e médiko por kalkulá e kantidat di antikoagulante (bloedverdunner).

Kímika di Espesie

Riba e tereno di análisis di kímika di espesie, analistanan spesialisá ta analisá materia ku yudansa di téknikanan spesial di laboratorio. E tèstnan aki ta eksigí un grado altu di konosementu di e materia i tambe kapasidatnan práktiko. E tipo di análisis aki ta konsentrá riba entre otro, hemoglobinopatia, diagnóstiko outo-inmuno, transfushon serológiko i tèstnan di alergia.