E pashènt ta sentral
E pashènt ta pará sentral i pa e motibu akí ta importante pa trahadónan den kuido por konta ku resultadonan konfiabel i lihé. Ku esaki por yega na un diagnóstiko i un plan di tratamentu ku rapides. ADC ta komprendé esaki. Ku mas di 100 aña di eksperensia i konosementu profeshonal, ADC ta e laboratorio pa hasi tur tèst.
ADC ta komprendé ku e pashènt ta pará sentral. Pa e motibu akí ta entregá tur resultado di tèstnan ku rapides i di un forma konfiabel.
Riba 600 tèst
Repartí entre seis departamentu spesialisá – Kímika Klíniko i Hematologia (inkluso un Servisio di Trombósis), Mikrobiologia Médiko, Toksikologia i Análisis di Remedi, Patologia, Laboratorio di Awa i Diagnóstiko Molekular – e departamentunan di ADC ta ofresé alrededor di 600 tèst.
Mas ku 100 aña eksperensia
E ekspertisio amplio kreá durante e último 100 añanan, varios akreditashon i tambe diferente tèstnan ku nos koleganan ta partisipá na dje ku regularidat, tur ta para garantia pa un servisio i resultadonan di tèst di kalidat na e nivel di mas altu i ademas rekonosementu internashonal.
Tayernan Edukativo akreditá
ADC su partisipashon den nos komunidat ta bai mas leu ku entregá resultadonan di tèst lihé i den un forma konfiabel. Regularmente e laboratorio aki ta organisá tayernan edukativo pa profeshonalnan den kuido, pa kompartí desaroyonan riba tereno di laboratorio médiko i tambe posibilidatnan pa hasi investigashon. Dòkternan di kas ku partisipá na e tayernan edukativo di ADC ta risibí puntonan di akreditashon ku ta rekonosé pa Commissie Accreditatie Nascholing Curaçao (CAN).
Vademecum
Aki bo por tira un bista riba alrededor di 600 tèst ku ADC mes ta hasi, inkluso e tempu nesesario pa yega na resultado di kada tèst. Tur tèst ku bai den eksterior tambe ta inkluí aki den, huntu ku e tempu nesesario.
