Evento ‘Chèk Bo Salú’ na ADC – éksitoso

WILLEMSTAD— Riba djasabra 25 di sèptember último, Analytisch Diagnostisch Centrum (ADC N.V) a organisá un evento kaminda tur hende por a pasa midi suku, kolèsteròl i preshon kompletamente grátis na ADC su filial nobo situá na Churchill Plaza.

Na total tin 13 lokalidat di prek di ADC rònt Kòrsou; di banda ariba te banda bou.

E evento akí ta tabata eksitoso. E prekpòst a keda bon bishitá dor di abitantenan di e bario i trafikantenan den e área.

ADC ta sigui sirbi pueblo di Kòrsou ku su ekspertisio i ta keda bishitá barionan pa tur hende por risibí e oportunidat pa chèk nan salú grátis.

Den luna di òktober Bo Bùs di Salú ta ranka sali atrobe i lo stashoná na diferente bario di Kòrsou.

Banda di midimentu di suku, kolèsteròl i preshon tambe lo duna charlanan grátis ku tópikonan relashoná ku salú na Bo Bùs di Salú. Tur persona ta bon biní pa bishitá e Bùs di Salú pa hasi nan tèstnan i keda informá riba temanan interesante.

Pa mas informashon tokante fecha i lokalidatnan di Bo Bùs di Salú por bishitá e página di Facebook di ADC òf wèpsait: www.adcnv.com