Servisio pa un i tur
ADC ta e laboratorio mas spesialisá di Kòrsou. Un variedat grandi di análisis ta posibel riba tereno di: kuido klíniko i poliklíniko di pashènt, mikrobiologia, toksikologia i investigashon di remedi, epidemiologia, patologia, hustisia i investigashon sientífiko.
Ta hasi e análisisnan akí riba petishon di dòkternan di kas, spesialistanan, hospital- i klínikanan, otro laboratorionan, gobièrnu lokal, e otro gobièrnunan den Karibe Hulandes, Ministerio Públiko, empresanan i klientenan individual.
A base di e múltiple áreanan di ekspertisio presente, ADC por diseñá análisisnan spesial pa kumpli ku e nesesidatnan spesífiko di tur tipo di empresa i di klientenan individual.
Servisio pa empresanan
Di análisisnan korporativo na midí te food safety i tèst pa abusu di droga: deskubrí kiko ADC por nifiká pa tur tipo di organisashon.
Servisio pa kliente individual
Laga kontrolá e awa di bo pisina? Hasi un tèst di paternidat? Klientenan individual tambe por akudí na ADC pa kontestanan konfiabel riba nan preguntanan (investigativo).
