Akreditashon

Pá un resumen di nos aktividatnan akreditá di ADC, por konsultá e vademecum na www.adcnv.com/vademecum

Laboratorio ADC (Analytisch Diagnostisch Centrum N.V.) ta profilá su mes komo un empresa dunadó di servisio, ku ta karakterisá su mes pa kalidat, konfiabilidat i bon servisio na kliente.

E sistema di kalidat na ADC ta sirbi un meta komun: sigui traha kontinuamente pa kalidat i servisio na nivel haltu. Pa keda kumpli ku esaki, ADC ta revisá su stapnan ku ta krítiko pa kalidat, periódikamente. E hefe di kalidat huntu ku su tïm ta vigilá e stapnan akí mientras ku e revishonnan interno i eksterno ta verifiká e operashonalidat di forma imparsial.

E forma di garantisá kalidat akí ta sòru pa eksternamente e klientenan por konfia ku e organisashon ta kumpli ku normanan internashonal i ku internamente e maneho i e kolaboradónan por konfia ku e kalidat di e produkto- i servisionan ta kumpli ku eksigensianan relevante.

E nesesidat pa siguransa riba e kalidat di produkto i servisio duná, ta sigui krese fuertemente tantu riba nivel nashonal komo riba nivel internashonal.

ADC su laboratorionan di awa ta sigui e eksigensianan general pa e kompetensia di laboratorionan di tèst i di kalibrashon: EN-ISO/IEC 17025. E laboratorionan médiko ta sigui e norma pa: Laboratorionan Médiko-Eksigensianan Ekstraordinario pa kalidat i kompetensia, EN-ISO 15189.

E laboratorionan di awa ta akreditá dor di e Raad voor Accreditatie (RvA) for di 25 di mart 2009 pa EN-ISO/IEC 17025 bou di e aktividat ‘TESTEN’ ku e number di registrashon L493. E laboratorionan Médiko ta akreditá dor di RvA for di 30 yüni 2016 pa EN-ISO 15189 bou di e aktividat ‘TESTEN’ ku e number di registrashon M297.

Pa un lista di e tèstnan akreditá por akudí na e scope di akreditashon di ADC NV riba https://www.rva.nl.

ADC ta esforsá su mes pa mantené e akreditashon optené. Ta traha anualmente na ekspanshon di e análisisnan ku tinku akreditá, pa salbaguardiá e kalidat di e resultadonan di análisis tantu den e EN-ISO/IEC 17025 komo den e EN-ISO 15189.