Mas ku 15 aña servisio di trombósis
Pa más ku 15 aña Kòrsou por konta ku kuido di un servisio di trombósis modèrno. Esaki ta di gran importansha, paso un tròmbósis – ora sanger koha i sera un ardu – ta algu ku bo kier prevení. Ora pashènt i e Servisio di Trombósis traha bon huntu, menos insidente i komplikashon ta tuma lugá.
Ora acenocoumarol i fenprocoumon wòrdu preskribí, manera ta pasa na ADC, ta nesesario pa kontrolá e sanger regular pa wak e asina yamá “INR-waarde”.
Seshonnan di Informashon
E Servisio di Trombósis di ADC ta organisá seshonnan di informashon ku regularidat. Den transkurso di añanan e Servisio di Trombósis di ADC a forma un relashon sólido ku médikonan, pashèntnan, e famia, kuido den bario (wijkzorg), e personal di kasnan di kuido i tambe hòspitalnan i otro partnernan importante.
E resultado, danki na esaki, ta ku Kòrsou por konta ku un servisio di trombósis sólido.
Formulario di registrashon
Un kalendario di dosis kuminiente
Nos servisio di tròmbósis, den palabrashon ku e médiko, ta tuma na su enkargo e kontrol di INR i tambe suministro di acenocoumarol i fenprocoumon (Vitamine K-Remmers, VKA) si ta eksistí un chèns pa trombósis.
Garantia di Kalidat
Pa por keda garantisá kalidat kontinuo, e Servisio di Trombósis di ADC ta miembro di e Federashon Hulandes di Servisionan di Trombósis (FNT) for di 2008. E federashon aki ta responsabel pa un kontrol i koordinashon di kalidat independiente. Ademas di esaki, for di 2016 nos Servisio di Trombósis ta konta ku un akreditashon ISO. Lesa mas tokante e akreditashon aki.
